Stangveiði

Stangveiði með leiðsögumanni í Rimhúsaál í nágrenni Skálakots. Rimhúsaáll er bergvatnsá sem verður til við sameiningu Írár og Kelduáls. Rimhúsaáll rennur síðan sem leið liggur í Holtsós sem á útfall í hafið.

Álinn bugðast niður flatlendið og eru nokkrir góðir veiðistaðir á leiðinni. Álinn er venjulga ekki mjög vatnsmikill og skemmtilegur til fluguveiði.

Besta veiðin er venjulega síðsumars en einnig veltur það svolítið á útfallinu hversu vel veiðist. Mest veiðist af bleikju en einnig töluvert af sjóbirting. Urriði og lax láta líka sjá sig stundum.

Við útvegum leiðsögumann og stangir og bjóðum upp á hressingu á meðan á veiðunum stendur.

Tvær stangir eru leyfðar í Rimhúsaál

Tímabilið er frá apríl og til enda september